NMMS-SCHOLARSHIP-EXAM MATHS : 26 सूट व कमिशन (Discount &Comission):3

 

चांगल्या पुस्तकांच्या वाचनाने विद्यार्थी समृद्ध होतात. 

रिबेट (Rebate)

      

       इयत्ता आठवी गणित प्रकरण 9 मध्ये सूट व कमिशन |Discount and Commission |sut  v Commission |चा अभ्यास आहे. NMMS परीक्षेत एक प्रश्न नेहमी असतो.सदर पोस्ट मध्ये रिबेट (Rebate), शे. रिबेट,सूत्रे व परीक्षेसाठी उदाहरणे  या बद्दल माहिती घेऊ .

 काही विशेष प्रसंगानिमित्त ग्राहकांना सूट  दिली  जाते. उदा.गांधीजयंती निमित्त खादीच्या कापडावर सूट दिली जाते. 

       दुकानदाराला छापील किंमतीपेक्षा ग्राहका- कडून जेवढी रक्कम कमी मिळते त्याची भरपाई शासन करते. शासकीय योजनेखाली  ग्राहकाला जी सूट मिळते, तिला रिबेट म्हणतात. 

           आयकर भरणाऱ्या ज्या  व्यक्तींचे उत्पन्न ठराविक मर्यादेपर्यंत असते, त्यांना आयकरात सूट मिळते या सुटीलाही रिबेट म्हणतात. 

            रिबेट ही एक प्रकारची सूटच असते. ती विशिष्ट अटीनुसार मान्यताप्राप्त संस्था किंवा  शासन यांच्याकडून दिली  जाते. 

 

   महत्त्वाची  सूत्रे :

1) रिबेट  = छापील  किंमत  ×  शेकडा  रिबेट 

2) रिबेटचा शेकडा दर  =  ( रिबेट / छापील  किंमत ) ×  100

परीक्षेसाठी  उदाहरणे :

1]अनिलने 8500 रुपये छापील किंमतीचे कपडे घेतले. छापील किंमतीवर शेकडा 8 रिबेट मिळाले. तर अनिलने   किती  रक्कम  दुकानदाराला  दिली ? 

1) 8220 रु.         2) 680 रु.          3) 850 रु.       4) 8170 रु. 

उत्तर :  (4)

रिबेट  = छापील  किंमत  ×  शेकडा  रिबेट 

रिबेट  =   8500  × 8 /100

रिबेट  =   85  ×  8.......... अंशाला  व  छेदाला 100 ने  भागून. 

रिबेट  =  680 रु. 

अनिलने  दुकानदाराला  दिलेली  रक्कम   =  8850 - 680

                                                       =  8170 रु. 

2] एका खादी भांडारातून खरेदी केलेल्या शर्टची छापील किंमत 1600 रु आहे. भांडाराने 320 रु  रिबेट दिले रिबेटचा शेकडा दर किती? 

1)  शे. 12            2)  शे. 20             3) शे. 30                 4)  शे. 5

उत्तर :  (2)

रिबेटचा शेकडा दर  =  ( रिबेट / छापील  किंमत ) ×  100

रिबेटचा शेकडा दर  =  ( 320/ 1600 ) ×  100

रिबेटचा शेकडा दर  =   320 / 16.......... अंशाला  व  छेदाला 100 ने  भागून. 

रिबेटचा शेकडा दर  =    20

3] भारतीताईनी वर्धा खादीभांडारातून 90 रुपये छापील किंमतीच्या 6 बेडशीट, 450 रुपये छापील किंमतीच्या 2 साड्या खरेदी केल्या. या  खरेदीवर शे. 10 प्रमाणे रिबेट मिळाले, तर भारतीताईना या  वस्तू केवढ्याला  मिळाल्या? 

1) 1296 रु. 2) 1440 रु.  3) 1396  रु.  4) 1340 रु. 

उत्तर :  (1)

6 बेडशीटची छापील  किंमत  =  6 × 90 =  540  रुपये. 

2 साड्यांची छापील  किंमत  =  2× 450  =  900 रुपये. 

एकूण छापील किंमत =  540 + 900 =  1440 रुपये. 

मिळणारे एकूण रिबेट  = छापील  किंमत  ×  शेकडा  रिबेट 

                              = 1440  × 10 /100

                              =  14400 /100

                               =  144 .......... अंशाला  व  छेदाला 100 ने  भागून. 

मिळणारे एकूण रिबेट  = 144 रु. 

भारतीताईनी दिलेली  रक्कम  = 1440  -144

                                        = 1296 रु. 

4] सुधीरने खादीभांडारातून 15000 रुपये छापील किंमतीची  कपडे  खरेदी केले.  रिबेटमुळे ती त्याला  13500 रुपयास मिळाली.  तर सुधीरला शे.  रिबेट किती मिळाले 

1)  शे. 12           2)  शे. 20            3) शे. 10           4)  शे. 5

उत्तर :  (3)

रिबेट  =  छापील  किंमत   -  प्रत्यक्ष  दिलेली रक्कम 

                                =  15000  -  13500

                                = 1500 रु. 

 रिबेटचा शेकडा दर  =  ( रिबेट / छापील  किंमत ) × 100

                            = ( 1500/ 15000)  ×  100

                             =  150000 /15000

                             =  150/15.......... अंशाला  व  छेदाला 1000ने  भागून. 

 

 रिबेटचा शेकडा दर    =  10

5] मोनिकाने 3000 रुपये छापील  किंमतीच्या  चादरी खरेदी केल्या. शेकडा 12.5 रिबेट मिळाले. तर मोनिकाला किती रिबेट मिळाले ? 

1) 475 रु.        2) 375 रु.        3)360 रु.            4) 460 रु. 

उत्तर :  (2)

रिबेट  =  छापील  किंमत  ×  शेकडा  रिबेट 

         = 3000  ×  12.5 /100

         =  30 × 12.5.......... अंशाला  व  छेदाला 100 ने  भागून. 

          =   375.0 रु. 

••••••••••••••••••••••••••••••••••••••••••••••©••••••••••••••••••••••••••••••••••••••••••••

                                              धन्यवाद 

Post a Comment